PM Kisan Installmentn : पीएम किसान सन्मान निधी योजनेच्या (PM Kisan Yojana) लाखो लाभार्थी शेतकऱ्यांसाठी एक अत्यंत महत्त्वाची आणि दिलासादायक बातमी आहे. काही कारणांमुळे ज्या शेतकऱ्यांचे हप्ते बंद पडले आहेत किंवा ज्यांची नवीन नोंदणी कागदपत्रांतील त्रुटींमुळे अडकली आहे, अशा सर्व शेतकऱ्यांसाठी केंद्र सरकारने मोठी सुविधा उपलब्ध करून दिली आहे.
पोर्टलवर ‘अपडेट मिसिंग इन्फॉर्मेशन’चा नवा पर्याय
पीएम किसान योजनेच्या अधिकृत पोर्टलवर (Online Portal) आता एक नवीन अपडेट उपलब्ध झाली आहे. या अपडेट अंतर्गत, शेतकऱ्यांसाठी ‘Update Missing Beneficiary Information’ (अपडेट मिसिंग बेनिफिशरी इन्फॉर्मेशन) नावाचा एक नवा पर्याय देण्यात आला आहे.
या नवीन पर्यायामुळे, खालील कारणांमुळे अडकलेल्या शेतकऱ्यांची कामे आता मार्गी लागतील:
- कागदपत्रे किंवा काही तांत्रिक त्रुटींमुळे ज्यांची नोंदणी रिजेक्ट झाली होती.
- ज्या शेतकऱ्यांचे येणारे हप्ते काही कारणास्तव बंद झालेले होते.
- ज्यांना कागदपत्रे अपलोड करण्याचा पर्याय बंद झाल्याने अडचण येत होती.
या पर्यायाचा शेतकऱ्यांना काय फायदा होईल?(PM Kisan Installment)
‘Update Missing Information’ या पर्यायाच्या माध्यमातून शेतकऱ्यांना आपला चुकीचा असलेला डेटा दुरुस्त (Correct) करता येणार आहे. तसेच, जर योजनेसाठी नवीन कागदपत्रांची मागणी केली गेली असेल, तर ती कागदपत्रे या पर्यायातून अपलोड करता येणार आहेत.
- ज्या शेतकऱ्यांचे हप्ते पूर्वी सुरू होते, पण नंतर थांबवण्यात आले, त्यांच्या खात्यातील काही त्रुटी दुरुस्त करण्याची संधी या पर्यायाद्वारे मिळणार आहे.
- आधार कार्ड, जमिनीचा फेरफार किंवा इतर आवश्यक कागदपत्रे असतील, तर ती देखील शेतकरी आता या पर्यायातून अपलोड करू शकतील.
तातडीचे आवाहन
ज्या शेतकऱ्यांना पीएम किसान योजनेच्या लाभात वरील अडचणी येत असतील, त्यांनी तातडीने पीएम किसानच्या पोर्टलवर जावे. तिथे ‘Update Missing Beneficiary Information’ हा पर्याय निवडून आपली पुढील प्रक्रिया पूर्ण करावी.
कृषी विभागाने आवाहन केले आहे की, शेतकऱ्यांनी त्वरीत हे काम करून घ्यावे, जेणेकरून त्यांचे बंद पडलेले पीएम किसानचे हप्ते लवकरात लवकर सुरळीत सुरू होतील आणि त्यांना योजनेचा लाभ मिळू शकेल.PM Kisan Installment
