Bihar Mahila Rojgar Yojana :राज्यात विधानसभा निवडणुका जवळ आल्या असतानाच, राज्य सरकारने महाराष्ट्राच्या धर्तीवर एक महत्त्वाकांक्षी पाऊल उचलले आहे. ‘मुख्यमंत्री महिला रोजगार योजना’ नावाने सुरू करण्यात आलेली ही योजना, राज्यातील सुमारे ७५ लाख महिलांना आर्थिक पाठबळ देऊन त्यांना आत्मनिर्भर बनवण्याच्या उद्देशाने तयार करण्यात आली आहे.
Bihar Mahila Rojgar Yojana : या योजनेचा शुभारंभ पंतप्रधान नरेंद्र मोदी यांच्या हस्ते आज सकाळी ११ वाजता करण्यात आला. या योजनेअंतर्गत, पात्र महिलांच्या बँक खात्यात प्रत्येकी १०,००० रुपये थेट जमा केले जाणार आहेत. ही रक्कम महिलांना स्वतःचा छोटा व्यवसाय सुरू करण्यासाठी किंवा नवीन रोजगार निर्मितीसाठी वापरता येईल. यामुळे महिलांना आर्थिक स्वातंत्र्य मिळेल आणि त्यांच्या जीवनमानात सुधारणा होईल, अशी सरकारला आशा आहे.
हस्तकला आणि पारंपरिक व्यवसायांना प्रोत्साहन
Bihar Mahila Rojgar Yojana : या योजनेचा एक मुख्य उद्देश हस्तकला, शिवणकाम, विणकाम आणि इतर पारंपरिक व्यवसायांना प्रोत्साहन देणे आहे. बिहारमध्ये अनेक महिला अशा कामांमध्ये कुशल आहेत, पण आर्थिक मदतीच्या अभावामुळे त्या मोठ्या प्रमाणावर व्यवसाय सुरू करू शकत नाहीत. ही योजना अशा महिलांना आर्थिक मदत पुरवून त्यांना त्यांच्या कलागुणांचा वापर करून व्यवसाय सुरू करण्याची संधी देईल.
यामुळे महिलांना केवळ आर्थिक मदतच मिळणार नाही, तर समाजातील त्यांचा सहभाग आणि योगदान देखील वाढेल. या योजनेमुळे बिहारमधील महिलांना एक नवा आधार मिळेल आणि त्या आर्थिकदृष्ट्या अधिक सक्षम बनतील अशी अपेक्षा आहे.
