Insurance Companies: आपण भरलेला विमा प्रीमियम केवळ संरक्षणासाठीच नाही तर कंपन्यांसाठी मोठी कमाई करण्याचे साधन आहे. आजकाल विमा प्रत्येकाच्या जीवनाचा एक महत्त्वाचा भाग बनला आहे. आरोग्य, वाहन, पीक यांसारख्या अनेक गोष्टींसाठी आपण विमा पॉलिसी घेतो, जेणेकरून भविष्यात येणाऱ्या आर्थिक संकटाचा सामना करता येईल.
आपण दरवर्षी किंवा दरमहा जो प्रीमियम भरतो, त्या पैशांचा विमा कंपन्या नेमका कसा वापर करतात आणि त्यांची कमाई कशी होते, असा प्रश्न अनेकांना पडतो. चला तर मग जाणून घेऊया या प्रश्नाचे उत्तर.
प्रीमियममधून मिळणारा प्रचंड नफा
Insurance Companies: आपण भरलेला प्रीमियम विमा कंपनीकडे तसाच पडून राहत नाही. कंपनी ही रक्कम विविध ठिकाणी गुंतवते. यात सरकारी बाँड्स, म्युच्युअल फंड्स, शेअर बाजार आणि इतर सुरक्षित गुंतवणुकीचा समावेश असतो. या गुंतवणुकीतून मिळणारा प्रचंड नफा कंपनीची आर्थिक स्थिती मजबूत करतो आणि त्याच पैशातून कंपन्या क्लेमची भरपाई देतात.
विमा कंपन्यांची कमाई वाढवण्याचे मार्ग
भारतात अजूनही मोठा लोकसंख्येचा भाग विम्याच्या कक्षेबाहेर आहे, पण हळूहळू विमा घेणाऱ्यांची संख्या वाढत आहे. कंपन्यांची कमाई अनेक प्रकारे होते:
- गुंतवणुकीतून मिळणारा परतावा: ग्राहकांकडून जमा झालेला प्रीमियम विविध साधनांमध्ये गुंतवून कंपन्या चांगला परतावा मिळवतात.
- शुल्क आणि फी: पॉलिसी मॅनेजमेंट फी, पॉलिसी सरेंडर फी आणि इतर वेगवेगळ्या शुल्कातूनही कंपन्यांना उत्पन्न मिळते.
- कमी क्लेम: जर क्लेम दाखल करणाऱ्यांची संख्या कमी असेल तर कंपनीचा नफा आणखी वाढतो.
- नवीन ग्राहक जोडणे: एजंट्स, ब्रोकर्स आणि ऑनलाइन प्लॅटफॉर्म्सच्या मदतीने जास्तीत जास्त लोकांपर्यंत पोहोचून कंपन्या आपला ग्राहकवर्ग वाढवतात.
Insurance Companies: थोडक्यात, आपण भरलेला प्रीमियम केवळ आपल्या जोखीम संरक्षणासाठी नसतो, तर तो विमा कंपन्यांसाठी एक मोठा गुंतवणुकीचा स्त्रोत बनतो. यामुळे, विमा क्षेत्रात पैसा केवळ संरक्षणासाठीच नाही, तर अब्जावधींची कमाई करण्याचे एक मोठे साधन बनले आहे.
